Repleksyon # 8

Karanasan ko bilang Estudyante

                Bilang isang estudyante ng baitang 9 pangkat Antimony . Marami na akong naging karanasan sa buong taong ito . Marami na akong mga napag-daanang problema , mga pangyayaring nakakapag-pasaya sa akin at syempre mga pangyayaring nakakapag-palungkot sa akin .

                Kung baga ang buhay ko bilang isang estudyante ay parang pabago-bagong panahon . May mga panahong maaliwalas at maaraw . Ang araw na nagmimistulang kasiyahang sumisikat sa aking mukha . Kasiyahang dala ng aking mga kaibigan , kaklase , at maging guro . Ngunit sa kabila ng maaliwalas at maaraw na panahon na iyon . Sa isang iglap maaari itong magbago. May mga pagkakataong malilim at hinahagupit ng mga malalakas na ulan . Na maihahalintulad ko sa mga walang tigil na pagbuhos ng mga pagsusulit , walang tigil na pag-ulan ng mga proyekto at takdang – aralin . At pagbaha sa atin ng mga leksyon na dapat nating aralin at intindihin . Ang lahat ng ito ay naranasan ko na sa loob ng isang taon ko sa paaralan .

              Pero sa kabila ng mga pangyayaring napakahirap nating lampasan . Hindi pa rin maaalis ang ngiti sa aking mukha . Patunay lamang na kahit gaano kalakas ang bagyo titila din ito at darating din si haring araw . Araw na magbibigay sa akin ng pag-asa na malampasan ko ang lahat ng mga pagsubok sa loob ng silid-aralan .

K to 12

              Ang programang k to 12 na inaprobahan ng gobyerno ay isang programa na tumatalakay sa edukasyon ng mga mag-aaral . Kung saan ang hayskul ay may 4 na taon na gugulin para sa kanilang  pag-aaral . Ngayon ang lahat ay nagbago na , dahil ang hayskul ay nahati na sa dalawang bahagi . Ang junior highschool at ang senior highschool . Sa kabuuan 6 na taon na ang gugulin ng mga estudyante para sa kanilang pag-aaral .

            Kung ang ilan ay tumututol sa programang ito dahil sa iba’t-ibang dahilan . Ako bilang isang estudyante na unang makakaranas ng programang ito . Para sa akin magiging maganda ang kalalabasan nito . Dahil ang programang k to 12 ay maaaring mabago ang lebel ng edukasyon ng ating bansa . Dagdag pa dito ay magkakaroon din tayo ng mga karagdagang kaalaman sa iba’t – ibang asignatura . At dahil din sa programang ito maraming estudyante na ang makakahanap ng trabaho kahit hanggang hayskul lang ang natapos nila . Alam kasi natin na maraming mga kabataan ang di na makapag-aral o maipag-patuloy ang kanilang pag-aaral sa kolehiyo . Dahil sa iba’t-ibang dahilan tulad ng kahirapan . Kung kaya’t kahit na di ka makatungtong sa kolehiyo ay paniguradong may trabahong tatanggap sayo pagdating ng panahon .

           Kung kaya’t ang programang ay huwag muna nating husgahan hangga’t di pa natin nakikita ang resulta . Dahil para sa akin tiyak na magiging maganda ang kalalabasan ng programang k to 12 .

Ang aking Guro

                “ Ating guro ay pahalagahan sapagkat siya ang magbibigay daan sa atin tungo sa magandang kinabukasan . “  Isa itong slogan , slogan na maikli lamang ngunit mayroon namang malaking kahulugan .

                Sa unang pagpasok natin sa loob ng silid-aralan ay wala tayong gaanong kaalaman . Kung baga “ Blank Space “ ang utak natin . Pero bakit ganun ? paglabas natin sa klasrum na ito ay nagkaroon tayo ng mga panibagong kaalaman at bagay-bagay na ngayon lang natin natutunan . Parang na “ Shake it Off “ ang mga utak natin . Utak na tuwang-tuwang dahil sa nagkaroon na siya ng napakaraming kaalaman .

              Pero ang tanong , sino ba talaga ang nagbibigay kaalaman sa atin araw-araw ? Walang iba kundi ang ating guro . Guro na walang sawang magturo . Kahit na nararamdaman na siya ay pagod . Dahil para sa kanya handa niyang tiisin ang pagod para sa kanyang mga estudyante . Isang guro na hindi lang pagtuturo ang kaya niyang gawin kundi kaya din niya ang magmahal . Ang mahalin ang kanyang mga estudyante dahil para sa kanya ay naging parte na rin kami sa buhay niya . Isang guro na marunong tumawa at magpatawa . Kung masyado na kasing tahimik ang klase ay magbibitiw siya ng mga nakakatawang biro . Na ikasisiya naman ng lahat .At isang guro na kayang ibahagi ang “ diary ng buhay niya “ . Ang kanyang pambihirang love story , kwento na tungkol sa kanyang pamilya at marami pang iba . Bagay na nakaka-relate kaming lahat sa loob ng klase . Hindi lang pala siya magaling magturo dahil isa rin pala siyang guro na magaling magpayo . Dahil minsan kasi may mga oras na may natatalakay kaming mga bagay-bagay na kami ay naguguluhan . At bibigyan naman kami ng aming guro ng alternatibong payo para dito .

             Ngunit sino ba ang tinutukoy kong guro ? Walang iba kundi ang Department Chairman sa Filipino . Ang aming masiyahing guro sa Filipino . Nung unang pasukan , nalaman ko na si ma’am pala ang department chairman sa asignaturang Filipino . Kaya’t nakaramdam ako ng konting takot at kaba sa kanya . Mukha kasi siyang masungit noon at parang ang tono ng kanyang pagsasalita ay parang nagbibigay babala sa iyo . Ngunit ang lahat ng paniniwala ko tungkol sa kanya ay biglang nagbago . Lumipas kasi ang ilang buwan , at doon ko na nakita ang totoong si ma’am . Si ma’am na masiyahin at mabait sa kanyang mga estudyante . Isang guro na may tinatago palang kabutihan sa kanyang puso at ito ay akin ng nakita .

Pangkatang Gawain

Ang aming Pangkatang Gawain

-    Gumawa ng isang awit .

Takdang-Aralin

Takdang Aralin :

    - Gumawa ng isang maikling kwento

Pahina 1

 Pahina 2

Pahina 3

Pahina 4

Repleksyon # 7

Repleksyon ko ngayong linggong ito :

                               Ngayong linggong ito , umikot ang aming talakayan sa mga kabanatang may kaugnayan kay Maria Clara . Nung Martes inisa-isa naming tinalakay ang mga kabanatang may kaugnayan kay Maria Clara . Nung Miyerkules naman tinalakay namin ang mga katangian at ang mga ugaling taglay ni Maria Clara . Si Maria Clara bilang isang anak , mangingibig at bilang isang mamamayan ng bayan ng San Diego . At nung Huwebes naman ay nagkaroon kami ng pangkatang gawain . Ang aming pangkatang gawain ay tungkol kay Maria Clara . Halos lahat ng pangkat ay isinadula ang mga inatas sa kanilang gawain . At nung Biyernes naman ay nagkaroon ulit kami ng pangkatang gawain .Ang aming pangkatang gawain ay pumapatungkol sa tunay na pag-ibig . Inatas sa pangkat isa na sila ay gagawa ng poster , sa pangkat dalawa naman ay kailangan nilang gumawa ng isang awit , sa pangkat tatlo ay isang tula . At ang pinakahuli naman ay ang pangkat apat na dapat gumawa ng isang slogan .

               Ngayong linggong ito , ay marami kaming natutunan tungkol kay Maria Clara . Sa susunod na linggo naman ay amin ng tatalakayin ang mga kabanatang may kaugnayan kay Sisa .

Repleksyon # 6

Repleksyon ko ngayong linggong ito :

      Ngayong linggong ito , umikot ang aming talakayan sa mga kabanatang may kaugnayan kay Maria Clara at Sisa . Inisa-isa namin ang mga kabanatang may kaugnayan sa kanila . Matapos ang talakayan ay nag-iwan sa amin si ma’am Mixto ng mga tanong tungkol kay Maria Clara at Sisa . Mga tanong na kung si Maria Clara ba ay sumisimbolo bilang isang dalagang pilipina gayong siya ay sinasabi na isa siyang mahinang babae . At ang tanong naman para kay Sisa kung siya ba ay naging isang ulirang ina at asawa sa kanyang pamilya .

       Dahil sa naubos na ang oras ang katanungang ito ay nagsilbi na aming takdang-aralin .

Repleksyon # 5

Repleksyon ko ngayong linggong ito :

             Ngayong linggo , tinalakay namin ang mga mahahalagang  pangyayari sa buhay ni Crisostomo Ibarra . Kung kaya’t ang bawat pangkat ay naatasan na iulat ang mga mahahalagang pangyayaring ito . Sa pangkat isa sila’y naatasan na iulat ang mga banta sa buhay ni Crisostomo . Sa pangkat dalawa naman , si Crisostomo bilang isang anak sa kanyang ama . At sa pangkat tatlo ay tungkol naman sa buhay pag-ibig ni Ibarra . At ang huli ang pangkat apat . Sila’y naatasan na iulat ang mga pangyayari mula nung dumating si Crisostomo mula sa Europa .

               Nung Martes ang pangkat tatlo at apat ang nag-ulat . At nung Miyerkules naman ay walang naganap na pag-uulat .  Sapagkat nanood kami  ng Bonifacio ang unang pangulo . Dahil ang palabas na ito ay may kaugnayan sa contest para sa Umalohokan .  Kung kaya’t nung Biyernes itinuloy na ang pag-uulat ng pangkat isa at dalawa .

              At bago matapos ang klase , ay naiwan sa amin ang katanungang “ mangingibig o biktima lamang talaga si Crisostomo ng pagkakataon ? “ . At hanggang ngayon ay hindi pa rin namin ito nasasagot .

Repleksyon #4

Repleksyon ko ngayong linggo :           

          Ngayong linggong ito , inatasan ang bawat grupo na iulat ang ilang kabanata sa nobelang “ Noli Me Tangere “ . At ang bawat grupo ay naatasan ng pito hanggang walong kabanata . At dapat nila itong iulat sa masining na paraan . Depende kung paano nila ito iuulat . Nung Martes ang pangkat isa ang unang nag-ulat . At nung Miyerkules naman  ang pangkat dalawa ang sumunod na nag-ulat . At sumunod na nag-ulat ang pangkat tatlo at apat sa mga sumunod na araw .

                Matapos mag-ulat ang bawat pangkat . Binigyan kami ng aming guro ng takdang-aralin . Dapat naming itala ang mga mahahalagang pangyayari sa bawat kabanata at bakit iyon naging mahalaga . Natapos ang linggong ito sa pag-uulat ng bawat pangkat .

Repleksyon # 3

Repleksyon ko para sa linggong ito :      

                Ngayong linggong ito , tinalakay ulit namin ang mga tauhan sa loob ng nobelang “ Noli Me Tangere “ . Ngunit tinalakay namin ito sa paraang tinatawag na “ Parade of Characters “  . Na kung saan ang bawat grupo ay naatasang sila’y gumanap ng kahit sinong tauhan sa akda . At kinakailangan na ang mga miyembrong gaganap ay dapat na ipaliwag ang katangian ng karakter na kanilang ginagaya .

               At bago matapos ang linggong ito , amin nang tatalakayin ang bawat kabanata sa nobela . Mga kabanatang may kaugnayan sa buhay ni Crisostomo Ibarra . Ang bawat grupo ay naatasan na ipaliwanag ang mga kabanatang ibinigay sa kanila . At kinakailangan nilang isalaysay ang mga mahahalagang pangyayari sa loob ng akda . Ngayong araw na ito , tapos na ang pangkat isa sa pag-uulat . At sa Martes ay ang pangkat dalawa na ang susunod na mag-uulat . 

Repleksyon # 2

Repleksyon ko para sa linggong ito :

                   Ngayong linggong ito , umikot ang aming talakayan sa nobelang " Noli Me Tangere " . Tinalakay namin ang mga tauhan sa nobela . At kung sino ang kumakatawan sa tauhan sa loob ng akda sa buhay ni Rizal . Halimbawa na lamang si Leonor Rivera , si Leonor ay isang dalagang pilipina na mahinhin at may taglay na ganda . Si Maria Clara at Leonor ay parehas sila ng mga katangian . At parehas din silang pinilit na magpakasal sa ibang lalaki . Maging si Crisostomo Ibarra at Rizal ay may pagkaka-parehas . Silang dalawa ay parehas ng mga mithiin . Mithiin na makalaya ang bayan mula sa pang-aapi ng mga prayle . Dahil katulad ni Rizal inapi ni Padre Amado ang pamilya niya at maging ang mga kababayan niyang magsasaka . Gaya ni Rizal inapi rin si Ibarra ni Padre Damaso sa pamamagitan ng paglalapastanganan sa kanyang ama , kahit na ito’y namatay na .

          Kung kaya’t ngayong linggong ito , puro mga tauhan an gaming tinalakay .

Para sa ikaapat na markahan :)

Repleksyon …

Sa ikaapat na markahan . Amin nang tatalakayin ang nobelang ginawa ni Jose Rizal . Ito ay ang Noli Me Tangere . Na ang ibig sabihinsa tagalog ay “ huwag mo akong salingin “ . Salitang kinuha ni Rizal sa ebanghelyo ni Juan 20: 13-17 .

   

Ang nobela ay tumatalakay sa mga kinagisnang kultura ng mga Pilpino . At maging ang kapangyarihang taglay ng Simbahang Katoliko noong mga panahong ito . Tinalakay din nito ang mga makapangyarihang mga lokal na alkalde .

Bakasyon ko nung Pasko :)

Repleksyon ko nung bakasyon ko nung Pasko …

      Nung araw na iyon nakaramdam ako ng saya , sayang  hindi ko maipaliwanag . Simula sa aking paggising , naghahanda na kami ng aking pamilya para sa pagsisimba . Sabay-sabay kaming nagtungo sa simbahan . At sabay kaming nagdasal . At sa aking pagdadasal , binati ko sa Jesus sa kanyang kaarawan . Matapos ang misa . Sinamahan ko ang aking kapatid sa kanyang pamamasko sa kanyang mga ninong at ninang . Ilang oras ang lumipas , na dumating na ang buwan . Abala kaming lahat  sa pagluluto ng aming magiging noche buena . Ang lahat ay abala at kaliwa’t kanan ang mga batang namamasko sa mga bahay-bahay . Nang sumapit na nag alas-dose ng gabi . Sabay-sabay naming ipinagdiriwang ang pasko . Kasama ko ang pamilya at ilang kamag-anak sa pagdiriwang nito . Matapos ang kasiyahan , sabay-sabay kaming  kumuha ng litrato .

     

     Kasama ang aking pamilya at ibang mga kamag-anak . Ganito namin ipinagdiriwang ang aming pasko . 

Repleksyon sa Filipino ...

              Ngayong liggong ito , tinalakay namin ang Sanaysay at ang mga elemento nito . Nasa ibaba ang kahulugan ng sanaysay at ang mga elemento nito .

Sanaysay

       Ang sanaysay ay mula sa pariralang salaysay ng isang sanay . Ito ay ayon kay Alejandro Abadilla . Napakaloob sa sanaysay ang kuro-kuro , damdamin at guni-guni ng manunulat tungkol sa isang napapanahong isyu . At sa pagbuo o paggawa ng isang sanaysay dapat maypamaksang pangungusap at may pantulong na pangungusap . Upang maging maliwanag at maayos ang iyong sanaysay . Narito ang tatlong elemento ng sanaysay :

Elemento ng sanaysay

1.) PAKSA -  May nilalayon at sentro ng ideya ng buong akda.Nakapaloob din ang saloobin ng may akda sa paksa.
2.) TONO -  Maaring ang himig ay natutuwa,nasisiyahan,nagagalit,sarkastiko,naiinis,nahihiya at iba pa.
3.) KAISIPAN -  Kailangan may mensaheng ipaparating sa mga mambabasa.Ang kaisipan ng akda ay hindi tuwirang binabanggitkundi ginagamitan ng pahiwatig para mailahad ito.